Shillong, June 4: Assam aro Meghalaya a·dokni simarango songdongenggipa Pnar aro Karbi jatni gisepo ding·chaogrikanirang ong·katani ja·man, ia jatgnini gisepo tom·tomaniko rakkiangna gita Jaintia Students Movement (JSM) aro Karbi Students Association (KSA) dolni dilgiparang, Guwahati songjinmani 6th Mile-o donggipa Karbi Hemtun-o tom·e agangrikangaha.
Ia tom·anio JSM-ni dilgiparangko uamangni president Leningrad Rymbai dilbaaha aro KSA-ni dilgiparangko uamangni president Jemson Timung dilangskaaha.
Ia tom·anio dolgni chanchirimengon, a·dok damgnini simarango songdongenggipa Pnar aro Karbi jatni gisepo meli nangrime janggi tangangna aro tom·tomaniko rakkiangna tik ka·grikangaha.
Iakoba poraie nina man·gen: Reservation Roster-ni bidingo a·dokni CM, Garo Hills-ni NGO-rangna talate on·anga
