Shillong, Mar 12: HNLC dol ine chanchichipenggipa dolni gnigipa bomb bretatna mangsonganiko, Meghalaya police dolrang dondikatna gita man•aha aro uamangoniko gelatin sticks baksana, tarigimin bretatgni bosturangko gari bolsaoniko man•aha, indake iani bidingo jak donggipa sakbri manderangkoba rim•aha.
Sombar attamo, East Khasi Hills aro Ri-Bhoi police dolrang, nangrime am•sandianiko dakenba, ia bretatgni bosturangko aro jak donggipa sakbri manderangko, chongmotan, Damanbha Ripnar Alias Shall Lapang, Robinis Ripnar, Jill Tarang aro Shining Nongrum-ko rim•na man•aha aro ia sakbrian Ri-Bhoi a•jaoni ong•achim ine u•ina gita man•aha.
Indake, Police-rangni aganani gita, uamang Ri-Bhoi a•jani Nongpoh songjinmako gnigipa changna bretatna mangsongengachim.
Indake, Ri-Bhoi a•jani Superintendent of Police (SP) Jagpal Singh Dhanoa-ni aganani gitade, ML-12-3243 gari no.o registration ka•gimin Bolero Pick-up-oniko, Umsning-oni Mawhati-ona re•gipa ramao attamni 6 bajimango dondikate am•sandie nion, Shillong-ni Bomb Detection & Disposal Squad (BDDS)-ni IED-ko nikna man•aha, aro una agreba, ge 15 Gelatin Sticks, ge 167 IED-ni ning•o bretgni splinter-rang, ge•sa safety fuse wire, ge 3 Non Electric Detonator ba bretatgnigipa bostu aro ge 5 mobile phone-rangkoba rim•na man•ahachim.
Indake, UAPA aro Explosive Substance Act ning•o pangchake, ia rim•a man•gimin manderangni kosako mokordomako segataha.
Na·simang iakoba poraina man·gen: JJM ni ning•o Upper Rongreng Baiza Water Suppy Scheme-ko PHE Minister opraka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
