Guwahati, May 21: Bristibar salo, chang 16-gipa Assam Legislative Assembly-ni skanggipa Session-ko Dispur, Guwahati-o a·bachengataha jeon gital seoka man·gipa MLA-rang Assembly-ni nokdring-o ku·mikchetanirangko dakangaha. A·gipibatgipa BJP MLA Chandra Mohan Patowary, Governor-ni seokako man·a ja·man ia tom·anio ku·wattimgipa ong·e dilangan baksana ku·mikchetgiparangkoba nirokangaha. Assembly, ia session-ko ong·atani somoio pangkamgipa Speaker-koba seokjolanggen.
Skanggipa changna sak 47 MLA man·chenggiparangba Assembly-ona re·angaha. Ia session-ni mingsa mongsonggipa neng·nikaniara janapgimin Uniform Civil Code (UCC) Bill-an ong·a jekon Assam Cabinet namnike ra·chakman·aha. Skotong Minister Himanta Biswa Sarma, ia Session-ko ong·atanio ia bill-ni gimin u·iatanggen aro ra·gataniko dakanggen ineba aganangaha.
Trinamool Congress-ni MLA Sherman Ali Ahmed, Mamata Banerjee-ko uni candidate ong·e election-o susaanio chakpaaniko on·ahanina mitelatengon, Assam-o uamangni dolko bang·batatna ka·dongenga ineba janapataha. Iani gisepon, ua Salgro Salaram jolrangko India-ni mongsonggipa bakrang baksa nangrimatgipa “Chicken Neck”-ko namdapatani bidingoba janapangaha.
UCC Bill-ni gimin janapon, Sherman Ali, draft-ko nia ja·mansa jekoba agana man·gen ine aganengon, ia niam-rangoniko tribal jatrangko ra·galani koborrangko knaani gimin jajrenganiko ua parakatskaaha. A·gipibatgipa BJP-ni MLA-rang chong·motan Manab Deka aro Sushanta Buragohain, ian BJP-ni election somoio ku·rachakgiparangoni mingsa bak ong·a ineba ia janapgimin UCC Bill-na warachakaniko dakngskaaha. Indake ong·engon, Buragohain, Assembly ning·o ku·mikchetaniko dakani somoio Sherman Ali-ni slogan minganiko jegalataha.
Na·simang iakoba nina man·gen:
Na·simang iakoba poraina man·gen: Jingjengataniko dakanina, EJH-ni DC office-o niamni gita champengatanirangko dakata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
