Shillong, Jun 16: Chief Minister’s Youth Program-ni ning•o, Malaysia Educational exposure program-na Meghalaya a•dokni sak 24 chatro chatrirangko seokaha. Ia sak 24 chatro chatrirangko, arts, culture, innovation, science, leadership aro uandakgipa kamrangna gimik sak 1200-na baten bak ra•gipa chatro chatrirangoniko seokaha.
Ia exposure visit ba skie ra•na gita Malaysia a•songona re•anganio, seokako man•gipa chatro chatrirang, Malaysia a•songo lekka porako on•enggipa dingtang dingtang institute-rang baksa agangrikna, Malaysia a•songo daka rikanirangko skie ra•na aro gipin a•songrangni gimin ma•sie ra•na cholrangko man•gen.
Ia program-ara, Meghalaya a•doko dilgipa ong•anichi, jatni daka rikanirangko skie ra•grikanichi, changa sapanirangko jakkalanichi aro jakni kamrangko namdapatna skie on•anichi chadamberangna janggi tangani cholrangko on•anio mingsa bak ong•enga aro batanggimin bilsirango a•dok sorkarini youth program-rangko ong•ataniba, block aro district level-oni da•o national aro international level ba gadangrangona sokdobae, chatro chatrirang, gipin a•songrangonaba re•ange skie ra•na cholrangko man•engaha.
Ia program-na seokako man•gipa bang•a chatro chatrirangan, gipin a•songona re•angna gita cholko man•engani gimin an•tangtangni kusi ong•aniko parakattokaha. Malaysia a•songona re•angna gita cholko man•engani gimin uamangni ka•donganiko mangrakbatatna, dilgipa ong•ani gunko namdapatna aro mikkangchi uamangni janggi tanganina tarisamsoanio gipin a•songrangoniko skie ra•na namgipa chol ong•enga ineba chatro chatrirang aganaha.
Meghalaya a•dokni Chief Minister Conrad K Sangma-ba ia program-ko, Meghalaya a•dokni gital dilgiparangko tarisamsoani program ine aganaha.
Na·simang iakoba nina man·gen:
Na·simang iakoba poraina man·gen: Balachanda-Rajabala jolo biljolina neng•nikanirangko ta•raken nirokchina agnangaha
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
