Tura, Jan 30: U-23 Col CK Nayudu Trophy 2025-26-na Tura-ni Alotgre Cricket Ground-o skanggipa salni susaaniko Sukrobar salo susaangaha. Ia susaanio Meghalaya aro Kerala dolni gisepo susagrikangaha aro Kerala dol 62-run rangko man·e Meghalaya dolni kosako ong·enga.
Ian gnigipa changna BCCI-ni susaaniko Alotgre-o ong·atani ong·enga.
Kerala dol toss-ko amenba skanggipa field-o dongna baseaha aro uamangni nambee robolko goani a·sel Meghalaya dolna sinjetaniko on·aha aro uamang 38.0 overs-ni gisepo 106 run-rangkosan man·aha. Meghalaya doloni Josiah Momin, rong 62 ball-o 34 run-rangko man·aha aro ian uamangni doloni bang·bate dokgipaba ong·a. Una agre gipinrang jekai, Manish 17 run, Shavian 13 run aro MD Ashif Khan 12 run-rangkosan dokna man·aiaha.
Indake Kerala doloni robol goanio, JS Anuraj bang·bate wicket-rangko ra·angaha, ua 4 wicket-ko man·aha, Pavan Raj aro Jishnu A sakgnian 3 wicket-rangko man·skaaha.
Kerala dol, nambee aro krengbee kal·enba, Meghalaya dolni uamangna on·gimin target-ko badepile dokaha aro 48.0 overs-ni gisepo 168/2 run-rangko man·e Meghalaya dolni kosako cheenga.
Indake Kerala dol, 8 wicket mang uamangni dolo dongkuenga aro 62 run-rang bate dongsoengani gimin gnigipa salni bako kal·susaanioba, Meghalaya dolni kosako ong·na ka·dongsoenga.
Na·simang iakoba nina man·gen:
Na·simang iakoba poraina man·gen: M’laya-ni East Jaintia Hills-o lakh 2-ni heroin baksa sak 4-ko rim·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
