Aizawl, Mar 29: Mizoram Lok Sabha seat-na susanasienggipa, Congress party-ni nominee ka•ako man•gipa candidate Lalbiakzama, nomination file ka•gipa sak 6 candidate-rangoni man•e cha•batsranggipa ong•a.
Indake, Returning Officer-ni mikkango uni affidavit-ko file ka•anio, gong crore 3.84 damni gamrang gnang inenba parakataha.
Una agreba, ia sak 6 candidate-rangoni, bilo ong•enggipa Zoram People’s Movement (ZPM) dolni nominee ka•gipa candidate Richard Vanlalhmangaiha aro gipin sak 3 candidaterangba crorepati ong•a ine u•ina man•aha.
Indake, Independent candidate Lalhriatenga Chhangte, ia sak 6 candidate-rangoni kangalbatsranggipa ong•a ine parakataha. Uno chu•gimik gong 6.75 lakh-ni gamrangsan dongaia ine u•ina man•aha.
Mizoram Home secretary kamoni 2020 bilsioni neng•take dongenggipa Lalkiakzama, uni pension-oniko man•gnirangko man•enga.
Ua Aizawl-ni Model Veng-o songdenggipa ong•a aro uni jako gong 10,000, uni jikgipao gong 3,500 aro uni sakgittam dakchake on•enggiparango chu•gimik gong 3,500 tangkarang gnang.
Na·simang ia video-koba nina man·gen:
Na·simang iakoba poraina man·gen: GHADC-ni CEM gitchamrang MP eleksinna sambasia
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
