Shillong, Mar 21: Opposition Congress party-ko dilenggipa aro Shillong-ni MP ong•enggipa Vincent Pala, Trinamool Congress (TMC) party-ko dilenggipa aro gitcham Skotong Minister ong•anggipa Mukul Sangma-ko Congress party-o naptaipilchina inenba mol•molatahachim, indake ong•genchimoba, ua Lok Sabha Election matchotmano, Bharatiya Janata Party (BJP) dolosa bakrimna mangsongenga inenba Bristibar salo parakataha.
“Anga Mukul Sangma-ko, apsan nangrime kam ka•na ine Congress party-o naptaipilchina ba TMC-on dongchina inenba jinmani mikkangon aganahachim, indake ong•genchimoba, ua an•tangan batesa chingni manderangko BJP dolo napchina aganskaaha” inenba Pala kobor ra•timgiparangna aganaha.
Unbaksana, Mukul Sangma aro uni team-ni manderang gimikan BJP dolo napanggen aro uamang, Congress party-ni manderangkoba bang•batakon BJP dolo napchina inenba draatenga ine atnangatan baksa, iani a•selan, a•doko TMC baksa bakrime kam ka•na gita Congress jechakaha inenba Pala aganaha.
“Meghalaya a•doko, dingtangmancha Anga aro angni dolni manderang iani bidingo namen chanchirimaniko dakaha, maina chinga u•ia, TMC-ni dilgiparang BJP dol baksa golpogrikrongengaha aro ia election-ni jamano uamang BJP dolo napchongmotgen ine nikna man•ani gimin chinga uamang baksa bakrime kamko ka•ja. Da•alo Congress dolni manderangko TMC-na pu•onchina agangenchimode, chinga an•tangtangan BJP-ni budi dakanio ga•akgiparang ong•gen” ineba Pala talate on•angaha.
Indake, je TMC dolan Bengal-o dongenga, uandake, Meghalaya a•doko donggipa TMC dol namen dingtanggrika, apsan ong•ja. TMC-ko chinga namnikja ong•ja indiba, Meghalaya-o donggipa TMC-ni dilgiparangni miksonganirang tik ong•ja ineba ua agandapataha.
Una agreba, angni gisiko maming gaora de•ani dongja, maina Anga manderangni namgnini gimin aro party-ni namgnirangni gimin chanchigipa ong•a. Saoba angni kosako namnikgijani donggenchimoba, angni gisiko darangkoba gisik sa•dikani dongja aro batesa manderangni namnikaniko dangdike on•a sikgipa ong•a, indide baoni ia gaora de•ani kattarangara nabaaha ine sing•doatan baksa, da•o ong•atnasienggipa Lok Sabha Election-o, Garo Hills a•jaode TMC-na bate Congress party-an nambate dakna ka•dongsoenga. Ia susaanio, chegipa ong•oba ba chejagenchimoba, namgipa dakgrikaniko Congress party dakgrikgen aro Meghalaya a•doko changsatai tangchapiltaigen ineba Congress party-ko dilenggipa Pala aganaha.
Indake, Khasi Hills a•jaosan bilakmangmangachi, ia party tangchapilna amjawa, indake ong•engon, Jaintia aro Garo Hills a•jarangoba bilakna gita nangenga, jedakode, ia party-o manderang ka•dongna man•gen aro ia election-ni jamano manderang ia party-ona re•bapilna gita man•gen ineba ua aganaha.
Na·simang iakoba poraina man·gen: VPP dol, BJP-rangni bewalrangko jarike, beberagiparangko bilgriatna giljani dilgiparangko chadrapanina Pala VPP-ko matnange agana
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
