Dadeng Jan 26: Dadenggre Civil Sub Division-ni ning·o donggipa Dadenggre-ni kal·chakramo chang 77-gipa Republic Day-ko maniangaha, jeon Meghalaya-ni Deputy Speaker Limison D. Sangma, a·songni nisanko badalatenba, Rashtriya Salute-ko on·angaha. Ia manianio parade ka·gipa dol 11 marching contigent-rango 2nd MLP Battalion Goeragre aro Dadenggre Puri Government HSS, Tiny Rose HSS, Dilsigre HSS, Sunrise HSS aro Little Flower HSS baksana Scouts aro Guide-rangko man·chapa.
Ia manianio jatni dakmesokanirang baksana essay sesusaani aro noksa salsusaanio chu·sokaniko man·giparangna boksis-rangko on·ani gisepon, sorkarini ning·o kamko ka·enggipa employee-rangna an·tangtangko on·kange kamrangko ka·anina mittelpilskaani gita Appreciation Certificate-rangko on·angaha. Ia program-o Dadenggre-ni MLA Rupa M. Marak, Sub-Divisional Officer Richa Kulkarni aro gipin mande ra·ako man·a kragipa manderangba dongpae bak ra·angpaaha. Raksamgre Civil Sub-Division-o, Republic Day-ko Matchokgre-ni kal·chakramo maniangaha, jeon Mendipathar-ni MLA Marthon J. Sangma, mongsonggipa sokgipa ong·e bakko ra·angpaaha. Indake ong·engon, Jengjal Sub-Division-o Selsella Assembly Constituency-ni MLA Arbinstone B. Marak, Jengjal-ni kal·chakramo a·songni nisanko badalatangskaaha.
Na·simang iakoba nina man·gen:
Na·simang iakoba poraina man·gen: Chang 77-gipa Republic Day-ko SWGH-oba manianga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
