New Delhi, Dec 7: Delhi songjinmani Municipal Corporation election-ko ong•atanio ia chang Arvind Kejriwal-ni Aam Aadmi Party (AAP) cheenba, bilsi 15-na BJP-ni sason ka•aniko bon•atna gita man•aha.
Ia chang Delhi Municipal Corporation Election-o AAP chena man•ahaoba, BJP dolba bilaken warachakaha aro uandaken BJP gnigipa biapko man•rikaha.
Delhi Municipal Corporation-ni gimik dam 250 ward-rangoniko ia election-o AAP, dam 134-ko cheaha aro BJP dol, dam 103 ward-rangko chena man•skaaha.
Pu•onanirangko Budbar pring 8:00 baji dipet channa a•bachengon, skanggipade BJP bang•bate ward-rangko cheengachim indiba ja•mano dolgnini gisepo apsangrik ong•e bon•kamaode AAP chegipa ong•aha.
Ia Municipal Corporation election-o AAP-ko chegipa ong•atahani gimin Delhi-ni chief minister aro AAP-ni dilgipa Arvind Kejriwal, Delhi-ni manderangko mittelpilangskaaha.
Delhi songjinmani manderangna nambate dangdike on•angna gitaba ua ku•rachakaniko on•angaha.
