Guwahati, Feb 25: Delhi-ni Malviya Nagar-o Arunachal Pradesh-ni sakgittam me·chikrangni kosako mikkang nitee kragija kattarangko agangipa me·chikko Delhi Police rim·aha.
Police-rangni aganani gitade, Arunachal Pradesh-ni sakgittam me·chikrang Malviya Nagar-o dongenggipa ong·achim aro ia me·chikrangni kosako uano donggipa jiksesa mikkang niteani kattarangko kragija aganahani gimin, Bharatiya Nyaya Sanhita (BNS)-ni Section 79, 351(2), 3(5) aro 196-o pangchake, segipa Harsh Singh aro uni jikgipa Ruby Jain-ni kosako, Malviya Nagar Police Station-o mokordomako segataha aro uamangoni saksako rim·aha aro sakgipin kate chakenga ine u·ina man·aha.
Ia obostani bidingo bang·a political dilgiparang raken jegalataha.
Delhi-ni Skotong Minister Rekha Gupta, iandakgipa obostarangko ra·chakna man·jawa maina Delhi-ona je mandeba re·bana man·a ine aganan baksa, dos dakgipa manderangni kosako raka sastiko on·anggen ine ku·rachakangaha.
Arunachal Pradesh-ni Skotong Minister Pema Khandu-ba, ia obostako raken jegalataha aro dos dakgipa manderangni kosako sastiko on·china Delhi Police-ni Commissioner-ko mol·molataha.
Union Minister Kiren Rijiju, obostao ga·akgipa manderang baksa ua agangrikenga aro unbaksana ia obostako namrenge ra·jachina aro man·a dipet dos dakgiparangko rim·china Delhi Police baksaba agangrikenga ine aganaha.
AASU-ni Chief Adviser Dr. Samujjal Bhattacharya, ian salgro salaram jolni manderangni kosako mikkang niteani bako apalbatgipa ong·ani gimin dos dakgiparangko ta·raken ja·kuko de·china ine dabiangaha.
Iani gisepon , Nagaland-oni All India Institute of Medical Sciences, Gorakpur-o obstetrics aro gynaecology-o postgraduate degree-ko dakenggipa bilsi 27 ong·gipa resident doctor-koba, kragija bewalo ja·rikan baksa, kragija kattarangko aganan baksa campus ning·on drae til·ekna jotton ka·aha.
Ia ong·a obosta, Bezbaruah Committee-ni janapachi 2014 bilsio, salgro salaram jolni manderangni kosako mikkang nitegipa manderangko sandichina niamrangko ra·gatani bidingo nipiltaianiko on·a gisik ra·atani ong·a.
Ia niamni ning·o, raka sastirangko on·china aro naljokaniko mangrakbatatchina Committee janapatahachim.
Da·alo ong·enggipa obostarang, a·doktangni a·palo dongenggipa salgro salaram jolni manderangna naljokaniko on·a nangenganiko aro raka niamrangko ra·gatna nangenganiko gisik ra·atpilengani ong·a.
Na·simang iakoba nina man·gen:
Na·simang iakoba poraina man·gen: M’laya a·dok gue bisokni sianganiko champengatna dingtangmancha drone aro natural pesticide-rang jakkalaniko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
