Jowai, March 2: Sombar salo, Deputy Chief Minister in-charge PWD (Roads) Prestone Tynsong, Rongkusi Festival-o Amkoi-Shnongpdeng ramako tarianiko ra·chake on·angaha, indiba a·a nokgiparangni a·arangko on·aniosa pangchakgen ine aganangaha.
Amkoi Playground-o tom·dakengon, a·a nokgiparang name bakrimgenchimode, ge·a-gamaniko bading-chiwalanina aro Ri-War tourism-na nangchongmotgipa ia sorokko tarina sorkari nanggipa tangkarangko aro dingtang dingtang gadangni kamrangko sorkari ka·e on·anggen, ine Tynsong Dorbar Shnong-na parakataha.
Ia ramarangko tarianiara pilakni dakna nanggnian ong·a aro uko tarianichi ia chasongo janggi tangenggiparangnasan ong·aija indiba mikkangchini chasongrangnaban namgnirangko on·anggen ine ua aganangaha.
Education Minister Lakhmen Rymbui-ba apsankon agananangaha, aro skul-nokrangko rikanina rai-rangko man·aha indiba a·arangan nangchongmotgipa ong·enga ine ua janapangaha. Uandake, poraia-skianirangko nambatatna aro jinmana nanggipa daka-rikanirangko dakanio dontongjana gita a·a nokgiparangko bakrimchinaba ua didiangaha.
Songni manderang Amkoi-Shnongpdeng rama, PWD-ni ning·o Nongbareh Lyntiar-Amkoi-ko chanchapna, robol kal·chakramko taridapna aro gitap LP skul nokko rikna mol·molani memorandum-rangko on·angaha.
Uandake, Nongbareh Lyntiar-Amkoi ramani bidingo PWD baksa bakrimchina Tynsong official-rangko ge·etaha aro tourism aro entrepreneurship-ni bidingo subsidy on·e dakchakani aro man·gnirangko on·ani bidingo talatngaha.
Ia parakatanirangko Dorbar Shnong ra·chakangaha aro ian Amkoi-ni namroro-silroroanio chu·sokaniko ra·baani ong·a ine dilgiparang aganangaha.
Na·simang iakoba nina man·gen:
Na·simang iakoba poraina man·gen: F-15 fighter jet bolsako goa ine Iran a•kanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
