Dibrugarh, Jan 22: Budbar pringo, Assam Dibrugarh a•jani Naharkatia jolo donggipa Tipam cha bagano, mongma matte chadrapako man•e cha bagano kam ka•enggipa me•chik saksni saknaanirangko man•na nangaha.

Ua somoio ia me•chikrang, Tipam cha bagano kam ka•na gita re•angengachim indiba rang•san uamangko mongma matte mangsa ramao chadrapsoaha aro uamangni bang•batan ua biaponi kate jokna man•ahaoba me•chik saksnide katsrapjae, saknaanirangko man•na nangaha.

Saknaa man•gipa me•chikrangoni sakgittamde bi•sarangsa ong•achim.

Mongma matte chadrapanio saknaa man•gipa me•chikrangni bimingara, Rashmi Gowala, Mamoni Gowala, Shilpi Bhuyan, Jaya Bawri, Sonali Gowala, Rupali Hazda, aro Bobita Bhuyan ong•a aro a•sel ong•a bakan uamangko sanna gita Naharkata Civil Hospital-ona ra•angaha.

Koborko on•ani gitade, ua somoio gimik sak 17 me•chikrang dongachim indiba rasong gnange sak 10-de ua biaponi joke katna man•aha.

Na·simang ia video-koba nina man·gen:

Na·simang iakoba poraina man·gen: BJP-ni dilenggipa sorkari baksa bakrimpaaniko Janata Dal (United) ra•galpila

India A·songni Salgro Salaram A·dokni gitalgipa koborrangko ma·sina sikode na·simang hubnetwork.in, oniko video-ko niangan baksa poraina man·gen.

Chingko ka·mao mesokgipa social mediarango jarikna man·gen:-

Twitter- twitter.com/nemediahub

Youtube channel- www.youtube.com/@NortheastMediaHub2020

Instagram- https://www.instagram.com/ne_media_hub