Dibrugarh, Nov 20: Skul napgipa me•chik bi•sarangko til•ekdraanina Dibrugarh police Lezai Higher Secondary School-ni skigipa baksa Dibrugarh-ni Lezai jolni chadambe saksako rim•aha.
Matnangako man•gipa manderang Atuwar Rahman (48) aro Rajesh Thakur (32) ong•a.
Police-rangni aganani gitade, Atuwar Rehman Lezai HS School-ni skigipa ong•a aro ua skulni chatro-chatrirangko Sivasagar-ona excursion tour-na rimangaha.
Atuwar Rahman Dhubri-ni Bilasipara-o songdonggipa ong•a aro Rajesh Thakur Dibrugarh-ni Lezai-o songdonggipa ong•a.
“Excursion tour-ni somoio Atuwar Rehman uamangna vodka-ko ringna on•aha ine me•chik bi•sarang chingna aganaha. Bus-ni ning•ao ua me•chik bi•sarangna Vodka-ko ringchina on•aha aro uamang uko ringahaon, skigipa uamangko til•ekdrana jotton ka•aha,” ine police saksa parakataha.
Uandake, Borbaruah police station-o POCSO Act-ni ning•o case no 110/202/ u/s 75(2) BNS R/W sec 10 aro Juvenile Justice Act-ni R/W sec 75/77-o badi ka•angaha.
Rajesh Thakur, Lezai HS School-ni mamung bak dongja. Ua Lezai-o songdonggipa ong•esa excursion-o uamang baksa re•angchapgipa ong•a.
Matnangako man•gipa sakgni manderangkon kachario mikkangpa•ataha aro pattoko donataha.
Obostani bidingo tale u•ina am•sandianirangko a•bachengataha ine police dolrang parakataha. Unbaksana kakket bichalko ra•bana niamko ja•rike bilakgipa sastiko on•anggen ine authority-rang aganangaha.
Na·simang iakoba nina man·gen:
Na·simang iakoba poraina man·gen: Guwahati-ni skanggipa Test Match-ko ong•atna skang BCCI-ni Secretary media-na parakatanirangko daka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
