Guwahati, Nov 20: Bristibar salo, BCCI-ni secretary Debajit Saikia, November 22-o India aro South Africa-ni gisepo a•bachengatnasienggipa Test match-na skang, Assam Cricket Association (ACA) Stadium, Barsapara-o media-na adita parakatanirangko dakangaha.
Ia kal•susaani Assam-na aro Salgro Salaramna namen gisik ra•ani ong•a maina ACA-ni bilsi 76-ni itihaso ian skanggipa changna Guwahati-o Test match-ko ong•atani ong•enga ine Saikia aganangaha.
“Guwahati-o skanggipa changna Test match-o sokachakenga ine na•simang pilakan ma•sia. Ia series-ni gnigipa Test-o India South Africa baksa susaenga aro India 0-1 ong•engani gimin, ia kal•susaani namen gamchatgipa ong•a. Ian Assam-nasan ong•aija indiba Salgro Salaram gimiknan namen rasong chaani ong•a,” ine Saikia aganaha.
Ru•uta salrangoni ACA-ni mol•molaniko knachakanina ua gitcham BCCI secretary aro da•o ong•enggipa ICC chairperson Jay Shah-ko mitelaha. Bang•a ODI-rang aro T20I-rangko sokachakgenchimoba changsaba Test-ko sokachakkujani gimin Assam a•dok July 31, 2019-o skanggipa changna Test match-ko ong•atna rai-ko am•aha.
Me•chikrangni ICC 50-over World Cup kal•susaanirangko aro da•o Test match-ko Guwahati-o sokachakanina Shah-ni dakchakani namen gamchataha ine Saikia aganaha. Ia susaaniko ong•ataniko a•dok gimiko manderang namen an•saosoenga aro iachin bang•a chadambe cricket kal•giparangna didianiko on•gen ine ka•dongsoenga.
Seng•gnang sal naani aro napani a•sel, Test-ko pangna ong•atrongana adha konta skang, pringni 9 bajio a•bachengatgen.
Kal•susaani pilak salrangon, cha ringna neng•takaniko mesalna skang ong•atgen.
Skanggipa Session: 9:00 AM–11:00 AM
Cha ringna neng•takani: 11:00 AM–11:20 AM
Gnigipa session : 11:20 AM–1:20 PM
Mesal: 1:20 PM–2:00 PM
Gittamgipa Session: 2:00 PM–4:00 PM
Skanggipa salo pringni 8:30 bajio kal•susagipa dolrangni tom•ani, toss ka•ani, a•songni gitko ring•ani aro dingtangmancha dakna nanganirang jekai toss ka•ani bisilko mesokani aro ACA Stadium-ni noksako oprakanirangko dakanggen.
Kal•susaanirangko nina re•bagiparangni napani cholgugako pringni 7 bajio kuligen.
Uandake, garini ramarang, gari donanirang, aro stadium-chi ra•napna man•gipa bosturangni bidingo u•iatanirangko dakna Sukrobar salo kobor ra•timgiparangna parakatanirangko dakanggen ine Saikia u•iatangaha.
Na·simang iakoba nina man·gen:
Na·simang iakoba poraina man·gen: A·sel ong·e saknaa man·gipa sakgni chatri-na NEHU-ni chatro chatrirang bi·chaka
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
