Shillong, Feb 2: KHADC aro JHADC-ni term-rangko jadokna ra•dodapna proposal on•aniko ra•chakangan baksana Sukrobar salo Meghalaya Cabinet, dingtang dingtang department-ni bill-rangkoba ra•chakangaha.
Forest department-ni ra•bagipa Normal Service Rules-ko nipilangengon, department-ni draft-ko Cabinet nipilangenba, Meghalaya Forest Subordinate Technical Service Rules 2024-ko ra•chakangaha.
Apsan salon a•dokni Cabinet, taridapgipa Meghalaya Telecom Infrastructure Policy (MTIP)-koba ra•chakangaha. Ia niamko 2018 bilsion India sorkari donenba aditako taridapahani gimin India sorkarini national policy-o pangchake a•dok sorkari adita niamrangko taridapna nangaha.
Apsan salon a•dokni Cabinet, a•dok sorkarini a•bachengatgipa Meghalaya Program for Adolscent Well-being Empowerment & Resilience ba jekon kan•dike ‘MPower’ ine mingachim, ia program-ni giminba chanchirimangaha. Ia program-ni ning•o a•dok sorkari, State Human Development Council-ko songaha aro ia council-ko Chief Minister an•tangan dilanggen.
Ia MPower program-ni mongsonggipa daitoara, atchidaldaloni bilsi 9-ona ba una batgiparangko nirokani kamrangan ong•enga.
Iakoba poraie nina man·gen: Rahul Gandhi-ni Bharat Jodo Nyay Yatra-chi Guwahati-o so•sojengjeng ong•aniko SIT sandirokgen
WATCH:
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
