Williamnagar, Sep 3: East Garo Hills a•jani Mangsang jolrango songdongenggipa manderangni dingtang dingtang nanganirangna dabie, Budbar salo Garo Students Union (GSU) Mangsang regional unit, jinma tom•bimonganiko Mangsang Bamil kal•chakramo ong•ataha.
Ia dabianiranga, Mangsang-o Block Development Office-ko kuliani, Mangsang PHC-ko CHC-ona ra•doatani, Rongjeng-Mangsang-Adokgre ramako ta•rake matchotatani, Mangsang police outpost-ko police station-ona ra•doatani aro Mangsang-o Fire & Emergency Service-ko kulianian ong•a.
Ia tom•bimonganiko ong•atanio mikkarang jimbee wagenchimoba, Mangsang jolo donggipa dingtang dingtang songni Nokma-Sanerang, mondolini dilgiparang, dingtang dingtang dolrang aro songni nokni manderangba bang•en bak ra•angtokaha.
Ia tom•bimonganio, Mangsang Block Demand Committee aro FKJGP Mangsang circle-ni membor-rangba bak ra•angaha.
Ia tom•bimonganio, Mangsang-ni MDC Hennen R Sangma-ba bakko ra•e, jinmana aganprakangengon, songni nokni namgnina iandakgipa ja•kurangko de•dilenganina GSU, gipin dolrang aro Mangsang songni manderangkoba mittelpilangaha aro iandake ku•mong nangrime kamko ka•anichisa, sorkarini knachakaniko man•na ama ine aganaha.
Saksa sakgnini ku•rang on•aniko knachakjagenchimoba, iandake songni manderang aro dingtang dingtang dolrang nangrime ku•rang on•genchimode dabianirangko chu•sokgipa ong•atna man•a ineba ua aganaha.
Jinma tom•bimonganiko ong•atani ja•man, jinma re•jomanikoba ong•ataha aro ia re•jomanioba, Mangsang jolrango donggipa dingtang dingtang songrangoni bang•bea manderang bak ra•angtokaha.
Na·simang iakoba nina man·gen:
Na·simang iakoba poraina man·gen: Arunachal Pradesh Freedom of Religion Act-ko ra·galpilchina NPP dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
