Shillong, August 25: National Cadet Corps(NCC)-ni Director General, Lieutenant General Gurbirpal Singh, NCC dolni skie ra·enganiko nirokjolna August 25 tariko North East Region Directorate-ona salgnina wenbaaha.
NCC-ni DG skia man·gimin sipairangko aro uno kam ka·giparangko NCC Directorate-o mandera·e salam ka·aniko dakaha.
Corona sajinma saani badiango NCC dol skie ra·aniko aro be·enni ranta ka·anirangko namen daktaiengaha. NER Directorate-ni jako ra·e NCC-ni kamrangko namen nirokenganina kusi ong·bejok ine Lt General Gurbirpal Singh kobor ra·timgiparangna aganaha.
