Ampati, May 25: South West Garo Hills District Chess Association salgnina chess kal·susaaniko Ampatini Taktaki SSA UP Schoolo ong·atangaha. Ia kal·susaanio districtni sak 60 mang kal·giparang bak ra·angaha.
Ia kal·susaaniko Additional Deputy Commissioner Dolrich B G Momin jean mongsonggipa sokgipaba ong·achim a·bachengate on·angenba kal·enggipa sakantinan nama skaniko on·e didiani kattarangko aganaha.
“Chess kal·anirang mandeko gisik ra·atani ba Memory ka·aninamangmangsan dakchakaia ong·ja, ian gisik seng·e dal·roroaninaba dakchakaniko on·chongmota” ineba ADC Dolrich B G Momin aganaha.
Bon·kamgipa kal·ani salo Betasing Constituencyni MDC Sanjay Koch dongpae kal·susagipa sakantikon mittelpile agane iandakgipa kal·susaanirangko ong·atanichi chadamberangko tarina aro uamangko gisik matsramatna dakchakani ong·begen ine aganaha.
Kal·susaa matchotani ja·man kal·anio nambatsranggiparangko re·baenggipa State level tournamentna seokangskaaha uamangara:
Open category-o chegipa: Kunden D Sangma (7points)
2 gipa biapo chegipa: Charming Marak (points)
3 gipao chegipa: Danerachigrak A Sangma (6 points)
Under 15 category-o
Chegipa: Abhinandan Roy
Under 12 category-o chegipa: Baiyangsrang K Sangma
Me·chikrangoni nambatsranggipa: Esharani M Sangma
Iamang saldokko State-level tournament kal·susaanina seokangaha.
Na·simang ia video-koba nina man·gen:
Na·simang iakoba poraina man·gen: Indiani Fashion designer Sanjukta Dutta Canes Film Festival-o niksenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
