Tura, June 19: District Level Selection Chess Tournament 2026-ko Rongkhon-ni Don Bosco Higher Secondary School-o Sukrobar saloni a•bachengatangaha. Iano Garo hills-ni dingtang dingtang bakrangoni chess kal•giparangni bak ra•angtokenga.
Garo Hills Chess Association (GHCA)-ni salgnina ong•atenggipa ia tournament-o kal•giparangoni bilsi 6 ong•gipa Besorah Ch. Momin oni bilsi 60 ong•giparangni bak ra•anganiko nikna man•enga.
GHCA-ni Secretary Tengrang R. Sangma, bak ra•angengiparang pilak kal•giparangko rimchasoangenba, chess kal•anichi, chanchiani bilko namdapatna aro kal•aninrango nama dakbewalko rakkina dakchakgipa ong•ani gimin, ua agnangaha.
GHCA-ni gitcham, Secretary Francis A. Sangma, ia tournament-ko a•bachengate on•angaha. Uni ja•man Chief Arbiter Raju Upadhaya bak ra•anggiparangna kal•ani niamrangni gimin talate on•angaha.
Ia tournament-o June-ni 19 aro 20 -o Swiss System format-ko jakkalenba round sni kal•atgen, iano jean points bang•bate man•anggipakon, cheanggipa ba Champion ine parakatgen.
Ia kal•susaanio nambate kal•angipa sak 12 kal•giparangko, state championship-o Garo Hills-ni dam gittam district-rangna kal•angna gita seokanirangkoba dakjolanggen.
Iano cheanggiparangna Cash prize aro trophy-rangko on•anggen. Ia tournament-rangko ong•atenganichi jolo chess kal•na didianirangko on•na aro kal•na changgipa sapgiparangko u•ina dakchakgen, ine organiser-rang an•tangtangni ka•dongenga.
Na·simang iakoba nina man·gen:
Na·simang iakoba poraina man·gen: Nagaland-o African Swine Fever-ko man•taiengani a•sel jile kae cha•enggiparang neng•nikaniko man•enga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
