Shillong, Jun 19: India a•songni salgro salaram a•dokrango dal•batsranggipa Organic Spice Processing Unit-ko Sukrobar salo, Union Finance & Corporate Affairs Minister Nirmala Sitharaman, Meghalaya a•dokni Chief Minister Conrad K Sangma aro Sikkim-ni Chief Minister Prem Singh Tamang-ni dongpaanio oprake on•angaha.
Ia Organic Spice Processing Unit-ko oprake on•anganio Union Minister aganprakangengon, a•gilsak gimikon manderang, gama ge•anio namgipa bosturangkosa am•tokengani gimin Meghalaya a•dokde dingtangmanchagipa cholko man•enga ine aganaha.
Gama ge•anio namgipa Ri Bhoi a•jao ong•pana man•ahani gimin an•tangni kusi ong•aniko parakangengon, a•gilsakni gipin biaprangna skangan Meghalaya a•dokde pangkamgipa cholrangko an•tangtangna dake ra•somanaha ine Finance Minister aganaha.
Meghalaya a•doko chengonin manderang, an•tangtangan game ge•e cha•giparang ong•ani gimin aro gama ge•anio pangkamgipa cholrangko baseahani gimin ian Meghalaya a•dokko, ong•telaigipa gama ge•anirango dilgipa gita ong•ataha ineba ua aganaha.
Ia Organic Spice Processing Unit-ko kuliahani gimin Eastern Ri Bhoi Organic Farmer Producer Company-ko mittelpilangengon, bilsi 10 ong•na sipile ia company rakbee kamrangko ka•anichi da•o ia karkanako kulina man•aha ine Union Minister aganaha.
Delighted to have Hon’ble Union Finance Minister, Smti. @nsitharaman ji with us to inaugurate North East India’s largest Organic Spice Processing Plant of the Eastern Ri Bhoi Organic Farmer Producer Company Ltd. at Lumdaitkhla, Bhoirymbong.
Meghalaya’s Lakadong turmeric, ginger… pic.twitter.com/If9eWd1a7n
— Conrad K Sangma (@SangmaConrad) June 19, 2026
Ia karkanako kulianio gong crore 32-mang koros ong•aha aro ia karkanao bilsiprakon, e•ching, holdi, gul muris aro jal•lik gita dakgipa gama ge•ani bosturangko, metric ton 10,000-na baten tarina man•gen.
Ia Spice Processing Unit-ara, National Programme for Organic Production (NPOP) aro EU Organic Standards-ni ning•o certify ka•ako man•gipa karkana ong•ani gimin ia karkanaoni India a•songosan ong•aigija gipin a•songrangonaba bosturangko watatna cholko man•gen. Ia Organic Spice Processing Unit-ko kulianichi Meghalaya aro salgro salaram jol gimiko game ge•e cha•enggiparangoni sak 5,500-mangni gita manderang namgniko man•gen.
Meghalaya a•doko game ge•e man•gipa bosturangoni mongsonggiparangko janapangengon, 2024 bilsio GI status ba gadangko man•gipa Lakadong holdi aro gipin bosturangni giminba Sitharaman talate on•angaha.
Ia karkanako kulianichi jolni manderangna kam ka•e cha•ani aro janggi tangani cholrangko on•an baksana a•gilsako nambatsranggipa bosturangko ong•atna gita gisiko nange kam ka•chinaba Union Minister, agan-ku•pattianirangko on•angaha.
Na·simang iakoba nina man·gen:
Na·simang iakoba poraina man·gen: District Level Selection Chess Tournament 2026 abachenga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
