Kohima, Jun 19: Nagaland a•doko changsataie wakrango man•gipa African Swine Fever (ASF) sabisiko man•taiengahani a•sel, jilla kaanirango pangchake janggi tangna nangenggipa manderang neng•nikanirangko chagrongna nangtokengaha.
Koborko on•ani gitade, Nagaland a•doko bang•a nokdangrangan, nokdang chalaina, dedrangko skulrango poraiatna, sanna bananirangko ra•na aro nokni dingtang dingtang korosrangna wak jile cha•anion pangchakbattoka indiba bilsiantian ia ASF-ko man•ani somoio, wakrangko jile cha•enggipa manderang, wakrang sigope, bang•en noksan ong•atako man•ronga.
Ia bilsioba da•o changsataie, Nagaland a•dokni skotong Kohima songjinmao, ASF sabisi giprorona a•bachengtaiaha aro wak jile cha•enggipa bang•a nokdangrangan, mikrake dongna nangtokengaha.
Phek a•jao wak jile cha•enggipa mande saksani kobor ra•timgiparangna aganani gitade, bilsiantian ASF sabisi giproroani a•sel ua noksan ong•atako man•ronga aro re•anggipa bilsioba uni songo, wak jilchakgipa damgittam biaprango, bon•gopen wakrang ASF sabisiko man•e sitokaha. Ia bilsioba da•o changsataie ASF sabisi giprorona a•bachengtaiaha aro ian wak jile cha•enggiparangna namen jajrengna nangani ong•a ine ua aganaha.
Sorkari official-rangni see rakkianiko parakani gitade, batanggimin bilsi bongani gisepo, Nagaland a•dok gimiko ASF sabisiko man•e, mang 33,000-na baten wakrang siaha. Mitam a•jarangode, manderangni wak jilchakram biaprango, bon•gopen wakrang ASF sabisiko man•e sina nangaha aro wak jile cha•enggipa manderang bang•en noksan ong•atako man•na nangaha.
Matburingrango man•gipa gipin sabisirang gita ASF sabisikode sanna banna man•gipa ong•ja aro da•o dipet ia sabisina vaccine ba tikarangkoba man•kujaengani gimin sabisiko man•on, wakrang sigoprongaia ine sorkari official-rang parakataha.
Nagaland a•doko iandake bilsiantian ASF sabisiko man•rongani gimin Chakhesang Public Organisation (CPO) aro Chakhesang Youth Front (CYF), Chakhesang manderangni songdongram biaprango, mongsongbate Phek a•jao, gipin biaprangoni wakrangko ra•bana on•jaha ine kobor on•timgiparang parakataha.
Na·simang iakoba nina man·gen:
Na·simang iakoba poraina man·gen: M’laya HC, a·dok sorkariko police station-rango CCTV-rangko donani gimin u·iatanirangko on·china anti 4-na somoiko on·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
