Jowai, Oct 22: United Nations Day-ko gisik ra·e maniani bak gita, District Legal Services Authority (DLSA) baksana West Jaintia Hills a·jani District Administration, SDG Programme aro 2030 bilsiona United Nations-ni miksonggipani bidingo agan-talate on·ani programko Deputy Commissioner office-ni Conference Hall-o Sukrobar salo ong·atangaha.Ua somoio, Azadi ka Amrit Mahotsav ba a·songni jakgitelaniko gisik ra·ani bak gita Pan India Awareness And Outreach’ aro Legal Services Week-ni bak gita programme-koba ong·atangjolaha. Programko, Chief Judicial Magistrate aro DLSA-ni secretary RM Kharsyntiew-chi dakdilangaha jeon West Jaintia Hills-ni Additional Deputy Commissioner, AS Mukhim aro ADC, DD Syngngai-maang baksana gipinrangba dongpae bak ra·angtokaha.

Programo, Meghalaya sorkarini Planning Department-ni consultant-rang Hessed Thabah aro Arijeet Debnath-maangchi Power Point Presentation baksa agan-talate on·anikoba dakangjolaha.