Tura, Apr 25: MGMP & Nokpante Production aro District Malaria Office baksa nangrimenba, doka damani aro dakmesokani baksa World Malaria Day-ko, Tura Super Market-o maniangaha.
Ia manianiko, “Accelerate the fight against malaria for a more equitable world” ine katta bichongko donenba, malaria sabisiko bon•atsrangna kam ka•na aro ia sabisioni simsak naljoke dongani gimin manderangna skie on•a aro u•iatani on•a mangsonge ong•atangaha.
District Malaria Officer, Dr. Bichitrani Ch Marak, ia sabisini gimin aro ia sabisioni maikai simsake dongna nangachim, uarangko talate on•angan baksa, tusimitingo ganggurangoni naljokna man•a gita mosorirangko jakkalchina aro ganggu bitchi chi•na man•jana gita, samtangtango chibol dake donjachinaba ku•pattiangaha.
Malaria Day-ko, malaria sabisini gimin, saani biatirangni gimin aro simsaksoani gimin u•iataniko on•a miksonge bilsiantian manironga. Ia sabisi ganggu chikani a•selo saronga aro ian mongsongbate, be•en jil•jile sin•a ding•a dake saronga. Ia sabisi ramram sabisi ong•genchimoba, an•seng baljoke aro rongtal an•tale donganichi, iandakgipa sabisirangoni chel•chake dongna ama.
Ia program-o, Rise & Shine aro Chegim Durama dolrangni doka damaniko dakangaha, unbaksana, Scandal dolni chrok mesaaniko dakangskaaha. Una agreba, malaria sabisini gimin aro uoni simsak naljoke donganio dakna nangchongmotgipa kamrangni gimin u•iataniko on•a, A•chik Theatre Group-rang dakmesokaniko dakangaha.
Na·simang ia video-koba nina man·gen:
Na·simang iakoba poraina man·gen: “Hills on Plate: Meghalaya Chef War” ko JioCinema-o skanggipa changna mesokaniko a•bachengatgnok
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
