Dibrugarh, July 3: Dr. Bhaskar Bora, UK-o doctor ong·aoni neng·takgimin aro bading chiwalanio chu·sokgipa ong·achim, jean janggi tanganio dal·begipa neng·nikanirangko chebaenba janggi tanganio mamingba ka·dongani donggijagipa manderangna didianiko on·gipa ong·baskaaha.
Batanggimin 2019 bilsini July jao, dakrongbewal gita surgery ka·anio ua spinal cord ba janggil bolgro-o saknaako man·genba kang·kare dipetoni an·ma goka ong·atako man·e, ja·mano thyroid cancer saaniko man·e bang·a sugery-rangko ka·na aro ru·uta sal somoirangna hospital-o dongna nang·ao ga·akaha. Ia indakgipa neng·nikanirangko man·ani a·sel, Dr. Bhaskar Bora, uni doctor ong·aoniko dontongna nangan baksana bading chiwalanirang jekai hotel-rang, gamjinrang aro sana bananiko dakanirangko watbana nangao ga·akaha.
Dr. Bora, inditan dukni aro ka·a be·anirangko man·genchim ong·oba, ua ka·donganiko watgaljana tik ka·enba, uni janggi tangani gimin “The Second Chance in Life” ingipa ki·tap kingsako seaha aro ia ki·tap mingsing minggamako man·enba dam 27 a·songrango palnangbatgipa ki·tap ong·baaha. Ia ki·tapko “Jibanar Ditiyo Khuj” ine Assamese ku·sikchiba chappa ka·aha.
Mande sakantian mental health ba gisikni sabisini gimin parake golpona nanga, mongsongbate me·asarang maina bang·bata salon uamang an·tangni gisiko chanchianirangko parakna neng·nike nika ineba Dr. Bora janapataha. Da·alo ua cancer saoni nampilgipa aro didianiko on·a agan-prakgipa saksa ong·an baksana ua be·enni gita bilgri ong·gipa manderangni palo ku·rang on·gipaba ong·a. Uni doctor aro sagipa saksa ong·e u·iba·aniko jakkale ua cancer sabisini gimin aro maikai sagiparangna simsake aro ka·sae sana nangachim uni gimin manderangna nambate u·ianiko on·a dakchakenga.
Dr. Bhaskar Bora, komia damo chatro chatrirangna nama lekka pora skie ra·aniko on·a miksonganio, Assam-o Aspire Academy ingipa indin online skul-koba a·bachengataha.
Uni janggi tanganiara, ka·dongani, bebe ra·ani baksana je gita janggi tanganio neng·nikanirangko man·genchim ong·oba, dontonggijaniara namen gamchatbegipa ong·a ine bilakbegipa dakmesokani ong·a.
Na·simang ia video-koba nina man·gen:
Na·simang iakoba poraina man·gen: Kynshi Hydro Power Project-ko ta•rake matchotatchina dabia
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Instagram- www.instagram.com/ne_media_hub
