Guwahati, May 3: Arunachal Pradesh-ni Dr. Joram Aniya-ko NITI Aayog-ni full-time member-na seokaha. Ian India-ni Salgro Salaram jolna dal·begipa aro gamchatbegipa sal ong·a maina ian a·songni gita niam tarianio jolni ku·rangko on·an baksana a·songni mongsonggipa niamrangko tarigipa dolona Salgro Salaram jolni mande ra·beako man·gipa aro u·i-ma·sigipa mandeko ra·baani ong·enga.
Ua lekka pora skianio, am·sandianio aro jinmana niamrangko tariani a·bao bilsi 18-na kam ka·e nikgimin ong·a. Ua da·o Associate Professor ong·an baksana Arunachal Pradesh Private Educational Regulatory Commission-ni member-ba ong·enga. Ua saksa uni sea jotanina, mongsongbate Nyishi jatni dakbewal rikbewalrang baksana u·i-ma·sianirangko ripinge rakkiani aro radoanina mingsing minggamako man·gipa saksaba ong·achim.
Dr. Aniya mongsonggipa chu·sokaniko man·ani gisepon, ua saksa Nyishi jatoni Ph.D pass ka·chenggipa me·chikba ong·an baksana Arunachal Pradesh-oni hindi-o Ph.D-ko man·chenggipaba ong·a.
Uni ia chu·sokanirang jolo songdonggipa bang·a manderangna didianiko ra·baaha.
Bang·a dilgiparangan NITI Aayog-na seokaniko man·anina ra·doe aganangaha. Arunachal Pradesh-ni palo ua ku·rangko on·gipa onggen ine aganengon, sea jotani aro jatni dakbewal rikbewalrangko ripinge rakkianio on·gilpaanina Union Minister Kiren Rijiju de·mitelataha. Assam Education Minister Ranoj Pegu, ia sal Salgro Salaram jolna rasong chaani sal ong·a ine aganengon, mikkangchi India-ni policy-rangko bimang ong·atanio ua dakchakaniko on·gen ine Arunachal Pradesh Skotong Minister Pema Kandu janapangskaaha. Union Development of North Eastern Region (DoNER)-ni Minister Jyotiraditya M. Scindia, uni ia gital kamna seokaniko man·anina uni nama skaniko on·ataha.
Ua bang·a lekkarangko sea aro taridapan baksana Nyishi jatni dakbewal rikbewalrangko ripinge rakkina aro ra·dona miksonganio Nyishi jatni bidingo am·sandiani lekkarangkoba seaha.
Na·simang iakoba nina man·gen:
Na·simang iakoba poraina man·gen: Boko-o matchapeng bi·sa manggniko jokata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
