Shillong, Nov 27: Gambegre constituency-ni gital MLA-na seokako man·gipa Dr Mehtab Chandee A Sangma, Budbar salo, Meghalaya Legislative Assembly-ni membor ong·e ku·mikchetangaha aro uni ku·mikchetaniko, Assembly-ni Speaker Thomas A Sangma, Shillong songjinmani Assembly Secretariat-o dilangaha.
Dr Mehtab Sangma-ni ku·mikchetanio, uni segipa aro Meghalaya a·dokni Chief Minister Conrad K Sangma baksana gipin minister-rang aro dingtang dingtang political dolni MLA-rangba dongpatokaha.
Gambegre by-election-ko ong·atanio Chief Minister Conrad Sangma-ni jikgipa aro National People’s Party (NPP)-ni candidate Dr Mehtab Chandee A Sangma, 12,678 vote-rangko man·e chegipa ong·ahachim.
Ua, Trinamool Congress (TMC)-ni candidate aro gitcham minister Zenith Sangma-ni jikgipa Sadhiarani M Sangma-ko 4,594 vote-rangchi chee Gambegre-ni gital MLA-na seokako man·aha.
Ia by-election-o TMC-ni candidate 8,084 vote-rangko, Congress candidate Jingjang M Marak, 7,695 vote-rangko aro BJP-ni candidate Bernard Marak-de 710 vote-rangkosan man·rikskaaiahachim.
Gambegre seat-ko chee da·o NPP-o sak 32 MLA-rang dongaha aro sak 60 membor donggipa Meghalaya Legislative Assembly-o doltangari sorkariko chalainaba chu·ongen bilrang dongaha.
Na·simang ia video-koba nina man·gen:
Na·simang iakoba poraina man·gen: Tinsukia-ni NIT, Maharashtra-ni Indian Army Armoured Corps Centre & School-ona re•anga
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- https://www.instagram.com/ne_media_hub
