Shillong, Nov 28: Meghalaya a•dokni gitcham chief minister aro Trinamool Congress (TMC)-ni dilgipa Dr Mukul Sangma, BJP-o napna gita dilgiparang baksa agangrikenga ine jangbingbanganirangko knasona man•engon, Dr Mukul BJP-ona re•babebegenchimode uan a•doko BJP-na nambatgipa ong•genchim ine BJP-ni state president Rikman Momin parakataha.

“Chinga gimiknan do•gako oe donaienga aro Dr Mukul-ba BJP-o napgenchimode anga an•tangba kusi ong•genchim,” ine Momin aganaha.

BJP-o napna sikgiparangkode uamang jekoba rimchaksoaigen ine janapatengon, BJP-o napna gita Dr Mukul Sangma ma•mongni dilgiparang baksa agangrikenga ingipani giminde ua maming kobor dongkuja ine Momin talataniko on•angskaaha.

Iakoba poraie nina man·gen: Nov 29 tarikoni M’laya-ona petrol, diesel-rangko salbajawa