Boko, Mar 20: Assam Legislative Assembly election-o susana gita Bokajan constituency-ni MLA aro Assam Legislative Assembly-ni Deputy Speaker Dr Numal Momin-na Bharatiya Janata Party (BJP)-ni tikitko on•jahani gimin Sukrobar salo, Garo Development Council (GDC)-ni president Arbitson J Momin-ni dilanichi dingtang dingtang A•chik dolrang, Dudhnoi sambao donggipa Bakrapur songo Press Meet-ko ong•atangenba, an•tangtangni suk ong•gijaniko parakangtokaha.
Ia Press Meet-ko ong•atanio, Assam-ni Garo Students’ Union, Garo Mahila Parishad, Garo Sahitya Sabha aro dingtang dingtang dolrangba bak ra•angtokaha aro Assam Assembly-o A•chikrangoni saksakamkam membor ong•paenggipa Dr Momin-na party tikitko on•jahani gimin BJP-ni kosako raken jegalangtokaha.
Ia Press Meet-o dingtang dingtang dilgiparang, Dr Momin-ni kamrangko janapangengon, Assam Assembly-o ua A•chikrangoni saksakamkam membor ong•pae, jatni namgnina kamrangko ka•dilrongachim ine aganaha.
Dr Momin-ni kamrangna Assam-ni A•chikrang skangonin una chakgiparang ong•a aro mikkangchiba unan chakpaanirangko on•angkugen ineba ia tom•anio dingtang dingtang dilgiparang aganaha.
Bokajan constituency-na Dr Momin, bang•en namroro silroroani kamrangko ra•baaha ineba uamang aganaha.
Dr Momin-na party tikitko on•jahani gimin talataniko on•china gitaba A•chik dolrang, Assam-ni Chief Minister Himanta Biswa Sarma aro BJP-ni state president Dilip Saikia-o dabiangtokaha.
Na·simang iakoba nina man·gen:
Na·simang iakoba poraina man·gen: GHADC election-ko ra•doani bidingo jegalanina Congress-ko Tynsong matnanga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
