Shillong, Mar 20: Garo Hills-o so•sojengjeng ong•anina Garo Hills Autonomous District Council (GHADC) election-ko a•dok sorkarini ra•dona tik ka•aniko Congress-ni jegalahani gimin a•dokni Deputy Chief Minister aro District Council Affairs (DCA) Minister Prestone Tynsong, Congress dolni kosako matnangatskaaha.
GHADC election-ko ra•doatani gimin, Meghalaya Pradesh Congress Committee (MPCC)-ni working president Deborah Marak, a•dok sorkariko matnangatenba, Shyamnagar aro Balachanda constituency-na agrede gipin constituency-rango election-ko ong•atna man•aigenchim ine aganaha.
Uni iandakgipa kattarangko aganahani gimin jegalatskaengon, Garo Hills-o Congress-ni dilgiparang, manderangni nangnikanirangko chu•sokatna sikjama ine Tynsong sing•doatskaaha.
Marak-ni matnanganirangna aganchakaniko on•angengon, GHADC election-o susagiparangna Scheduled Tribe (ST) certificate-ko nangtelgipa ong•atchina Garo Hills-ni manderang nangnikengani giminsa iako niamo ong•atna gita cholko ra•bana ia ja•kuko sorkari de•aha ine Tynsong parakatenba, iandakgipa kamrangni gimin ma•sina jotton ka•ani pal Congress dolni dilgiparang pangnan a•dok sorkarini kamrangko jegalnasa jotton ka•skaa ine matnangataha.
GHADC election-ko dam 27 constituency-rango ong•ate, damgnio ja•man ong•atskana man•achim ine Marak-ni janapatgipa kattarangko jegalatengon, ian chanchininggija aganani gitasan ong•aia ine DCA Minister parakataha.
Batanggimin salrango so•sojengjeng ong•angahani gimin April-ni 10 tariko ong•atna tik ka•gipa GHADC election-ko ra•doatenba GHADC-ni term-ko a•dok sorkari, April 18 tarikoni October 18 tarikona ra•doatahachim ine nikna man•a.
Na·simang iakoba nina man·gen:
Na·simang iakoba poraina man·gen: Assembly election-na Assam CM nomination file ka•a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
