Guwahati, Mar 20: Re•baenggipa April 9 tariko ong•atenggipa Assam Legislative Assembly election-na skang Sukrobar salo, Assam a•dokni Chief Minister Himanta Biswa Sarma, Guwahati songjinmao jinma re•jomaniko ong•atenba, election-na an•tangni susaani lekkarangko on•angaha. Jinma re•jomaniko Khanapara Veterinary Field-oni a•bachengate, Hengrabari-o donggipa DC office-o matchotataha.
Election-o susana gita an•tangni lekkarangko on•angani ja•man kobor ra•timgipa manderang baksa agangrikengon, ian uni snigipa changna election-o susaani ong•enga aro skanggipa election-o ua amako man•e, baditaba changna chegipa ong•aha ine Sarma aganenba, ia changoba ua an•tangni constituency aro Assam-o songdongenggipa manderangni chakpaaniko man•na ka•dongenga ine parakataha.
Congress dolni dilgipa Gaurav Gogoi-ni agangipa kattarangna aganchakaniko on•angengon, Congress dolni dilgiparang uko ia gadangona ra•doataha ong•ode ua uamangko mittelpilna ska ine Sarma aganaha.
Congress dolni bang•a dilgiparangan re•baenggipa salrango BJP-o napna sienga ineba Sarma aganaha.
An•tangni mikkangchi ka•gni kamrangni gimin janapatengon, Hindu manderangko ku•cholsan ong•atanian uni mongsonggipa kamrangoni mingsa ong•enga ine Assam CM aganaha.
Assam-o namroro silroroaniko nikna man•engani gimin ua a•songni Prime Minister Narendra Modi-koba mittelpilangaha.
March 24 tarik dipet ua roadshow campaign-ko a•bachengatna sienga ineba Sarma parakataha.
Na·simang iakoba nina man·gen:
Na·simang iakoba poraina man·gen: Hallidayganj-o bilsi 45 ong·gipa me·asani manggisiko man·a jaman dos dakgipako am·sandianiko a·bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
