Shillong, April 14: Pekgipa samrangko jakkale saa nampilgiparangni sataipilaniko champengna aro komiatna Mongolbar salo Drug Reduction, Elimination & Action Mission (DREAM) uamangko sanram dam bri biaprangna gong Lak 9 batgipa skiera•ani bosturangko sualaha.
Meghalaya a•doko, mongsongbate Shillong songjinmao heroin jakkalani bilongbatenga ine DREAMni Director Francis Kharshiing uano talataha.
“Bang•bata jakkalgiparangan heroin ko jakkalbata, aro uan chingni dakgrikanio kenbatgnigipa pekatgipa sam ong•a” ine ua aganaha.
“Heroin jakkalgiparang an•tangtangni jakkalgimalna salprakon tangka gong 2000-2500 bon•ata, da•roro dam baridapanichi mitamde salprakon tangka gong 10000 nanga” ine Kharshiing parakaha.
“Police ja•ku ga•anichi Shillongo drugs man•aniko komiataha, indiba uan dam bariatskaaha, jean jakkalgiparangko chona-rema cha•uani ba ra•sekanirangona dilenga aro palbadinggipa ong•e jakkalbewalatangko rakkienga” ineba Kharshiing agandapaha.
Iandakarangko namatna DREAM, sanram biaprang , ITIrang, Vocational Training Institutionrang baksa dol dakaha jedakode sam jakkale nampilgiminrang ba sanenggiparangna changa-sapaniko skie on•na man•gen.
“Chingni nisan sapilaniko komiatna ong•a, jean da•odipet 70-80% tang•doenga” ine Kharshiing aganaha.
Changa-sapaniko skiera•ani bosturang, jean Lak Skuna bata, uarangko basegimin dam bri sanram biaprang – New Hope (Me•a aro Mechik), New Life De-addiction Centre (Me•asa), aro Asha Bhavan sanramrango bakery, food processing, plumbing aro wiring ko skie on•na jakkalgen.
Ia a•bachengataniara chu•gimik nampilataniona ong•a – saaniko sananikosan mikpakma niani ong•ja, indiba mandera•ani, an•tango pangchakani aro songsalo name pangkame tangani ong•a” ine Kharshiing talataha.
Drugs jakkale nampilgiminrangnaba badingchiwale cha•ani cholrangko a•bachengna ITI ni certificaterangko on•e aro kam man•atna DREAM dakchakgen jedakode uamangba an•tangtango pangchakna man•gen.
“Changa-sapaniko skie on•anina tangka gong Lak skuko a•bachengatanian uamangko sapilatana bate aro sakgipinrangko saatna bate nambata” ine Kharshiing agane bon•ataha.
Na·simang iakoba nina man·gen:
Na·simang iakoba poraina man·gen: M’alaya-ni Garo Hills-o gital rokomni chipuko man·a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
