Williamnagar, March 9: America, Iran aro Tehran-o dinggrikanirang ong•engani a•sel Dubai songjinmao songdonggipa manderangna kenjagokanirangko ra•baenga.
Dubai songjinmakoba Iran a•song, missile aro drone-rangchi chadrapengani gimin Dubai songjinmao donggipa A•chikrang, kenchipchipe janggi tangna nangao ga•akenga. Dubai-o dongenggipa A•chikrang, songtang noktangona re•bana jotton ka•engoba, airport-rango kenna nanganirang dongani a•sel uamang re•bana man•gija dongna nangtokenga.
Dubai-o donggipa A•chik a•songoni saksa Dr Nyana A Sangma-ni u•iatani gitade, uamang songtang noktangona re•bana siktokengoba, airport-rango kenna nanganirang ong•engani gimin aro airport-rangko chipe donengani a•sel re•bana man•tokjaenga. Airport-rango sildorengrangko watengoba komiesa watkuenga aro gipin a•songni tourist-rangnasa skanggipa cholko on•chengenga ineba Dr Sangma u•iataha.
UAE a•songni defence, rakbee kamrangko ka•enga ine u•iatengon, Iran a•songoni drone aro missile-rangchi chadrapengoba uarangko UAE-ni defence, warachaksona man•enga indiba basakobarangde uarangko warachaksoanio, kamgimin drone aro missile-rangni bisemrang ga•akone, wa•alrang kamenga aro mitam manderangni janggirang gimaatako man•enga ine Dr Sangma parakataha.
Iandakgipa obostarangko chagrongna nangengani gimin Dubai-o songdongenggipa salgro salaram jolni manderangna bi•chakchina gitaba Dr Sangma, Garo Hills-o songdongenggipa manderangko mol•molataha.
Na·simang iakoba nina man·gen:
Na·simang iakoba poraina man·gen: Sal 887-ni ja·mano Gurudongmar Lake-o tourism-ko a·bachengatpila
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
