Shillong, May 27: Re∙anggipa antio Dubai-o sianggipa Garo Hills-ni violin skigipa Kresitha G Momin-ni manggisiko ra∙bana gong∙rake ja∙ku de∙anina Bubdar salo Rongjeng-ni MLA Jim M Sangma a∙dokni Skotong Minister Conrad K Sangma aro a∙dokni government official-rangko mitelaha.
May 15 tariko Momin ka∙tong saaniko man∙e uko Dubai-ni private hospital sanna-bananiko dakengachim indiba May-ni 21 tariko ua siaha ine Sangma kobor ra∙timgiparangna parakataha.
Uandake uni manggisiko Garo Hills-ona ra∙bapile Mongolbar salo gopaniko dakaha ine MLA agandapaha.
“Anga a∙dokni skotong minister Conrad K Sangma-ko, government official-rangko, Chief Secretary aro uni dol gimikko mitelna ska. Uamang somoi gita ja∙ku de∙aha, aro uni a∙selsa chinga Kresitha G Momin-ni manggisiko ra∙bapilna man∙aha,” ine Sangma aganaha.
Momin-ni siani bidingo ong∙gipa obostarangni bidingo sing∙doon, mamung ong∙gija dakgipa manderangni jak dongja aro Meghalaya-oni uni ripengrangna May 15 tariko uko hospitalona re∙ange grongetokaha ine MLA aganchakaha.
Momin-ni sianiara uni nokdangna namen gimaani ong∙a maina ua Dubai-o kam ka∙e saksanmangmang nokdangko alduengachim ine ua aganaha.
Na·simang iakoba nina man·gen:
Na·simang iakoba poraina man·gen: Bihar Legislative Assembly-ni Speaker, Official Study Tour-na M’laya-ona re·baa
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
