Tura, Apr 29: Dumper truck garirangni skatang salanichi bang•en a•sel ong•anirangko nikna man•engahani gimin bostu salgipa dal•dalgipa truck garirangko aro dumper garirangko Tura jillao napna on•jachina gita dabie Sombar salo, GSU, FKJGP, ADE, AYWO, FAF aro GHULU dolrang, Tura-ni Deputy Commissioner (DC) office gate mikkango asonge jingjengatangaha.
Tura jillao skatang dake gari salenggipa truck driver-rangni kosako rakgipa ja•kurangko de•china aro adita salrangna skang dumper truck garirangchi salgakako man•e saknaa man•gipa manderangna gari nokgiparang an•tangtangan tangka paisarangko gamchina aro hospital-ni korosrangko gamchina gitaba NGO-rang dabiangtokaha.
NGO-rangni iandake jingjengatengmiting somoio, West Garo Hills a•jani Deputy Commissioner Jagdish Chelani an•tangan re•bae uamangko grongeaha aro gari gorarangna tarigimin niamrangko NGO-rangna mesoke on•angaha.
District Administration-ni dongimin niamrangko saoba pe•genchimode rakbatsranggipa ja•kurangko de•gen ineba ua ku•rachakaniko on•angaha.
Chapa ka•gimin niamrangko NGO-rangna on•atengon, ia niamrangko name poraie nipilenba banoba on•dapna nanganirang donggenchimode ja•mano apsan tom•enba niamrangko taridapna man•gen ine DC, NGO-rangna ku•rachakaniko on•ataha.
DC-ni re•bae agangrikeani ja•man NGO-rangni asonge jingjengataniko dontongataiaha.
Na·simang ia video-koba nina man·gen:
Na·simang iakoba poraina man·gen: Kokrajhar-o election-na tom•aniko ong•atanio Assam-ni CM mikka wachi chake chroka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
