Guwahati, April 29 : Assam a•dokni Skotong Minister Himanta Biswa Sarma, Kokrajhar Lok Sabha seat-na susaenggipa UPPL-ni candidate-na chakpaani gita, Kokrajhar-o bilsubee election campaign-ko ong•atanga.
Ia tom•aniko ong•atanio a•dokni CM, sak hajal manderang baksa “Akau Ebar Modi Sarkar” ingipa git-o kusi ong•e chrokaniko nikna gita man•aha, indake, mikka jimbegenchim ong•omangba, Himanta Biswa Sarma-ni bilsuaniko dimelatna gita man•jaha.
Ia tom•anio, ua Bodoland People’s Front (BPF)-o, Bodoland-na maming namroro silroroani kamrangko ka•na man•gijanina an•tangni gisik suk ong•gijaniko parakataha.
A•doko kamgri dongenggiparangni bidingo aro Fakiragram-o railway overbridge ba rail rama kosako dollong rikbatani baksana railway station-rang aro sorokrangko tarie on•gen, ineba ua ku•rachakaniko dakangaha.
Indita mikka jimbeomangba, Skotong Minister, a•dokni namroro silroroanina uni miksonganirangko aganenba, a•dokko tang•dobatatani aro namroro silroroaniko ra•bana nangchongmotani giminba ua aganangkuaha.
Modi sorkarini niksamsoanirangko aganenba, chinga sorkariko gittamgipa changna rikpiltaina man•genchim ong•ode a•dokni gita pilak namdapatani ba tangdobatatani kamrangko ka•gen ineba ua parakangaha.
Una agreba, Skotong Minister bang•a dingtang dingtang ku•rachakanirang baksanaba, ration card donggipa nokrangrangna “Orunodoi”-ni namgnirangni giminba aganangaha aro ge 50,000 kamrangkoba nakatatgen ineba ua ku•rachakangkuaha.
Na·simang ia video-koba nina man·gen:
Na·simang iakoba poraina man·gen: Gari gora jakkalgiparangna niamrangko donata
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
