Guwahati, April 29: Custom Department-ni gita ba•dingsrukani bidingo am•sandie nianirangko dakengon, Guwahati Airport sambajolo donggipa India Post Hub-niko, gipin a•songo tarigipa cigarette ba ta•makkurangko rim•aha, jeni damrangan tangka gong 2.86 crore mangni gita ong•genchim. Department-ni gita adita koborrangko man•soe, robibar salo sandirikitaniko dakangenba, uamang Assam Kamrup a•jani Mirza-o donggipa India Post Hub-ona sokangaha. Sandirikitaniko dakon, officer-rang, a•song gipino tarigipa dingtang dingtang rokkom-ni ta•makkurangko bosta 113 rang man•aha.
Ia sandirikitanio, darangkoba rim•na mankujaenga, aro iano jak donggipa manderangni bimungrangkoba parakata dongkuja, maina da•oba am•sandie nianirangko dakengkua. Custom Department-ni gita ia badingsrukanio jak donggipa pilak manderangko rim•na gita kamrangko ka•enga.
“Da•ororo badingsrukaniko rim•giparangoni ian bang•bate rim•gipa ong•enga, aro an•ching da•ororo nikna gita man•enga, ia badingsrukgipa dolrang postal system-rangko niamgri badingsrukanirangko dakna jakkaltokenga,” ine a•gipebatgipa custom official-ni saksa aganangaha.
Ia a•song gipinoni ra•bagipa ta•makkurangko Myanmar-oniko India-ona dingtang dingtang ramarang gita ra•baenba, Guwahati-ni gimik biaprang aro India-ni dingtang dingtang biaprangona sualatenga. Ia badingsrukgipa dolrang, custom aro postal authority-rangoni jokna gita postal service-rangko jakkalenga ine u•ina man•enga. Ia sandirikitaniko dakatanichi, mikkangchi niamgri badingsrukaniko postal service gita dakanina kenchakna nanganiko an•chingna mesokan baksana uamangni tax gri India-ona a•song gipinni bosturangko sruksruk ra•napbaani giminba namen chanchina nangao ga•akenga.
Na·simang ia video-koba nina man·gen:
Na·simang iakoba poraina man·gen: Kokrajhar-o election-na tom•aniko ong•atanio Assam-ni CM mikka wachi chake chroka
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
