Shillong, July 29: Bristibar salo, Chief Minister-ni ku•pattianiko man•e Meghalaya sorkari, a•dokni Deputy Chief Minister Prestone Tynsong aro gital Cabinet Minister Sanbor Shullai-na portfolio-rangko sualataha.

Sorkarini u•iatani gitade, a•dokni gital Cabinet Minister Sanbor Shullai-na Animal Husbandry & Veterinary department, Arts & Culture, Home (Passport), Prisons aro Labour department-rangko on•angaha.

A•dokni gitcham Minister AL Hek-ni jako ra•anggipa Health & Family Welfare department-ko a•dokni Deputy Chief Minister Prestone Tynsong-na on•skaaha aro una agreba ua Housing, Parliamentary Affairs, Public Works Department (Roads), Food, Civil Supplies & Consumer Affairs baksana Cooperation department-rangko jako ra•angkugen.

July-ni 27 tariko BJP-ni Minister AL Hek-ko gale, BJP-ni sakgipin MLA Sanbor Shullai-ko Cabinet-o rimnapskaahani gimin sorkari adita portfolio-rangko sualatpiltaiaha.