Shillong, July 17: Khasi jatni matgrik U Tirot Sing Syiem-ni siani bilsi chang 188-gipako gisik ra·na, Hima Nongkhlaw-ni Durbar aro Syiem-rangni ong·atanggipa manianio bakko ra·angani somoio a·doko songgitalgipa Eastern West District-ni skotong Mairang-ona ru·utgijan Deputy Commissioner office-ko on·gnok ine Meghalaya-ni skotong minister Pa Conrad K Sangma, Sombar salo parakataha.
Tom·ao bakko ra·e aganangengon, Pa Sangma, a·dokni ning·o gital district-ko songahani gimin skanggipao ka·chengna nanganiara gital Deputy Commissioner office-ko on·anian ong·a aro chu·gimik bil gnang chalaignigipa DC office-ko uamang ru·utgijan on·gnok ine parakata baksana, office nokko chu·gimik nitodapatani kamrango Hima Nongkhlaw-ni Syiem-na dakchakanirangko on·na gitaba skotong minister, parakatjolaha.
A·dokni ning·o dongipa district-ni skotongrango namro-silroroaniko ra·baani gimin aganangskaengon, Meghalaya a·dokni ning·o joltangni jawilwatrangko ku·tangchi tarina gita a·jatangoni jawilwat tarigiparangna cholrangko on·na miksonge, Movie Theatre ba Cinema Hall-rangko ra·bana, Convention Centre aro Auditorium-rangko ra·bana aro chadamberangna pilak kal·susaani a·barango namdapaniko ra·bana gita Artifial turf-rangko tarie on·na gita a·dok sorkari kamrangko ka·enga ineba skotong minister parakataha.
“Beben, iarangko changsande aro bilsisani gisepode man·gopjanaba donga aro iarangko chinga gadang-gadang dake chu·sokatna jotton ka·gen ine aganangenba, bang·a gipin kamrangko chu·sokatna gita nisanko donsoengana agreba, ia gital songgipa district-na mongsong nanggiparangko mangmangde chinga re·baenggipa bilsi -bongani gisepo chu·sokate on·na gita nisanrangko donsoaha ine Pa Sangma agandapataha.
Iakoba poraie nina man·gen: Winter capital-na dabie NGO-rangni okgimu chakani salbonga ga·dapa
Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
