Tura, Apr 27: Meghalaya a•dokni Education Minister, Rakkam A Sangma, East Garo Hills a•jani ning•o ga•akenggipa Govt. LP School-rango je sakgittam gipin jatrangko rakkiahachim, uamangko ‘other ST/SC’ category-o aro A•chik ku•sikko agana sapgiparangkosa skigipana rakkiaha ine talataniko dakataha.
Indake, Songsak-ni MLA Dr. Mukul Sangma, East Garo Hills a•jani ning•o ga•akenggipa Bolmoram Adapgre Govt. LP School, Koksi Nengsat Govt. LP School aro Dagal Noapara Govt. LP School-o skigipana gipin jatrangko rakkiani bidingo social media-o matnangatan baksa, ia Garo Medium School-rango skigipana maini gimin gipin jatrangko rakkina nangskaa ine sing•doatahachim.
Indake ong•engon, je skulrangko Dr. Sangma janapatahachim, ua skulrangoni damsa de Assamese Medium School ong•a aro je candidate-rangko seokahachim, uamang Garo subject-o pass ka•giparang ong•e interview-koba Garo ku•sikchin on•aha aro seokako man•aha ine Education Minister talataha.
Ia skigipani kamna gimik gimang sak 68 post-oni, sak 10 unreserved, sak 55 Garo/Khasi category aro sak 3 ‘other ST/SC’ category-o rakkiani ong•achim. Indake, a•dok sorkarini on•gimin Job Reservation-ni ning•o 5% mangni gita ‘other ST/SC’ reservation policy-o pangchake sak 3 gipin jatrangko rakkiaha ineba ua agandapataha.
Indake ong•genchimoba, ia rakkigimin skigiparangni A•chikkuchi skie on•anio neng•nikanirangko chatro chatrirang man•genchimode, uamangko ra•galani ba dingtang skigipako rakkiani ong•naba donga ineba ua janapataha.
Una agreba, West Garo Hills a•jani ning•o ga•akenggipa Dadenggre Sub-Division-o, adita Assamese aro Bengali Medium School-rangna Garo/Khasi category-oni Assamese ba Bengali ku•sikko agana sapgiparang dongjani a•selo skigiparangko rakkina man•jaha, iani gisepon, Job Reservation Policy-o pangchake gipin jatrangko rakkinaba man•skajaha ine Sangma aganaha.
Ia rakkikugijagipa skigipani post-rangna advertise ka•ataigen, aro ia changoba Garo/Khasi category-oni Assamese ba Bengali subject-rangko skina kragipako man•jagenchimode, unreserved category-rangna apply ka•na chol on•skagen ineba ua janapataha.
Na·simang ia video-koba nina man·gen:
Na·simang iakoba poraina man·gen: Lok Sabha Election-ni Parliamentary seat-o Saleng Sangma chegen: Debora
India A·songni Salgro Salaram A·dokni gitalgipa koborrangko ma·sina sikode na·simang hubnetwork.in,-oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter-twitter.com/nemediahub
Youtube channel- www.youtube.com/@NortheastMediaHub2020
