Williamnagar, Mar 5: Meghalaya a•doko National People’s Party (NPP)-chi dilenggipa Meghalaya Democratic Alliance (MDA) sorkarini bilsichet gapaniko maniani bak gita Bristibar salo, Meghalaya a•dokni Chief Minister Conrad K Sangma, FOCUS+ aro Green Meghalaya program-ni gong crore 2.84 ong•gipa cheque-rangko, East Garo Hills a•jani C&RD Block damgittamo ia program-ni namgniko man•enggipa manderangna sualataha.
FOCUS+ aro Green Meghalaya-ni cheque-rangko, Williamnagar Police Parade Ground-o ong•atanggipa program-o Samanda, Songsak aro Dambo-Rongjeng block-ni manderangna sualataha aro ia program-o, a•dokni Cabinet Minister Marcuise N Marak, Meghalaya State Planning Board-ni Co-Chairman Nihim D Shira, East Garo Hills-ni Deputy Commissioner RP Marak, Superintendent of Police (SP) Stephen A Rynjah, sorkari official-rang, Nokmarang aro dingtang dingtang songni manderangba bak ra•angtokaha.
Ia tom•bimonganio a•dokni Chief Minister, jinmana aganprakangengon, manderang aro Prime Minister Narendra Modi-chi dilenggipa ma•mong sorkarini dakchakanichi batanggimin bilchetni gisepo Meghalaya a•dokni dal•roroani aro namroro silroroaniko nikna man•aha ine parakataha.
Economy-ni dal•roroanio, Meghalaya a•dokba Tamil Nadu a•dokni ja•man India a•songo gnigipa ong•enga ineba Sangma aganaha.
A•dokna namroro silroroaniko ra•baanio manderangni bakrimaniko nangchongmota ine janapatengon, a•doko pangkamgipa namroro silroroaniko ra•bana sorkari, dingtang dingtang cholrangkoba nienga ine Chief Minister aganaha.
Batanggimin bilsi bongani gisepo, FOCUS program-ni ning•o a•dok sorkari, gong crore 150-na baten tangka paisarangko koros ka•aha ine janapatengon, game ge•e cha•enggipa manderangna namgnirangko on•angkuna gita FOCUS+ program-ko bilsignina ra•dodapatgen ine Chief Minister parakataha.
Ia tom•bimonganio, a•dokni Cabinet Minister Marcuise N Marak-ba tom•anio bak ra•giparangna aganprakengon, ‘Our Magnificent Meghalaya – Vision 2032’-ni ning•o a•dok sorkari, 2032 bilsini gisepon Meghalaya a•dokni economy-ko dollar billion 16 ong•ate, India a•songo nambatsranggipa a•dokrangoni damsa ong•atna nisan ka•enga ine parakataha.
Dawagre gittimo bakan Horticulture-Agriculture College-ko rikna a•bachenggnok aro iana adita salrangna skangsan budget session-ni somoio tangka paisarangko chamataha ineba Marak parakataha.
Meghalaya a•dokna mikkim rasonko ra•baenggipa kal•susagiparangna a•dokni Cabinet, sorkari kamrangko on•na tik ka•aha ineba Minister parakataha.
Iana skang, East Garo Hills a•jani Deputy Commissioner RP Marak, rimchaksoani kattarangko aganangengon, FOCUS+ program-ni ning•o East Garo Hills a•jao namgniko man•enggipa manderang, gnigipa instalment-ko man•gen ine parakataha. Payment for Ecosystem Services (PES)-na Green Meghalaya program-ni ning•o dam 150 songrangko seokaha ineba Deputy Commissioner aganaha.
Na·simang iakoba nina man·gen:
Na·simang iakoba poraina man·gen: Union Minister Sarbananda Sonowal, Brahmaputra chibimajolo India-ni skanggipa river lighthouse-na pangchakaniko songe on·anga
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
