Shillong, Jul 28: East Khasi Hills a•jao driving licence tarina nangenggipa manderang, Shillong songjinmaona re•bae, driving test-ko dakna nangjana gita block-rangoba driving licence test-ko ong•atna District Administration tik ka•angaha.
Iani bidingo kobor ra•timgiparangna talataniko on•angengon, Meghalaya sorkari aro Chief Minister Conrad K Sangma-ni ge•etaniko man•e, East Khasi Hills a•jani District Administration, block headquarter-rangoba driving licence test-ko ra•na tik ka•angaha ine East Khasi Hills a•jani Deputy Commissioner Abhilash Baranwal parakataha.
Ia program-ni ning•o dambri block-rang, chong•motan Mawryngkneng, Mawkynrew, Sohra aro Pynursla block-rango. District Transport Office (DTO) baksa nangrime, driving licence test-ko a•bachengatgen ineba DC aganaha.
Block headquarter-rango driving licence test-rangko ra•na tik ka•ahani gimin songni nokni manderang, da•ode Shillong-ona re•bae, driving test-ko ra•na nangjawahani gimin ian pilaknan namgni ong•gnok ineba Baranwal aganaha.
Also Read: Japan-o 7.1 magnitude ong•e banggrianga
Also Watch
Find latest news from every corner of Northeast India at hubnetwork.in, your online source for breaking news, video coverage.
Also, Follow us on
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
Download our app from playstore – Northeast Media Hub
