Kumamoto, Jul 28: Mongolbar salo, Japan a•songni salgipeng jolo donggipa Kumamoto jolrango, 7.1 magnitude ong•e banggriangaha aro ia jolrango ta•rake banggrianganichi bang•a nokdangrangon bijolirang siaha, rel garirangni re•ruraanirangkoba dontongataha aro banggriangani ja•man Tsunami-naba mikrakataniko on•angaha.

Kumamoto, Nagasaki, Kagoshima, Fukuoka, Saga, Oita, aro Miyazaki jolrangara, pilakan Japan a•songni salgipeng jolo donggipa Kyushu chichango ong•a aro ia biaprango banggrianina Japanese sorkari mikrakataniko on•angaha. Banggriangani ja•man, tsunami-naba Japanese sorkari mikrakataniko on•angaha ine Japan Meteoroligical Agency parakataha.

Je biaprangon tsunami-na mikrakataniko on•aha, ua jolrango donggipa manderangko, sagal rikamrango dongjachina gitaba Japanese sorkari u•iataha.

Japan a•songba a•gilsako banggribatsranggipa a•songrangoni damsa ong•e, minute bongaprakon a•ani moako nikna man•ronggipa biap ong•a.

Bilsi 10-na skangba Kumamoto-o bilakbee banggriangahani a•selan sak 275 manderang so•otako man•aha aro sak 2739 manderang saknaanirangko man•aha.

Also Read: Chi bananichi duko ga•akenggiparangko dakchakna Assam MLA-rang jasani dormahako on•giltoka

Also Watch

Find latest news from every corner of Northeast India at hubnetwork.in, your online source for breaking news, video coverage.

Also, Follow us on

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/ne_media_hub

Download our app from playstore – Northeast Media Hub