Shillong, May 9: Federation of All School Of Meghalaya (FASTOM) dol Adhoc skul skigiparangni dabianiko sorkari knachakjaenganina Shillong Main Secretariat Building mikkang tom·dake jegalaniko daktaiaha.
Education Department-oni knachakaniko man·e FASTOM dol, batanggipa May 2 tarik-oni 8 tarikonade dontongatachim aro batanggimin somoio Education Minister Pa Lakmen Rymbui-ni Adhoc-ko Deficit-ona man·jaoba skigiparangni dormahako bariatgen ine ku·chakachim indiba sorkari iakoba dakujaenganigimin jegalaniko daktaiangkuna tik ka·aha.
FASTOM dolni nangnikanian Adhoc-oniko Deficit-ona ra·dona man·jaoba taraken skigiparangni dormahako bariatna nanga ine dabie jingjengatenga.