Shillong, Feb 19: Meghalaya a·dokni Deputy Chief Minister in-charge PWD (Roads) Prestone Tynsong, Garo Hills-o National Highway ramarangko tarianio nangchakea man·gipa baneficiary-rangna, North Garo Hills-o 187 aro East Garo Hills-o 2,227 baneficiary-rangna gong kror 268 tangka paisarangko sorkari on·ataha ine Bristibar salo, Assembly-o parakataha.
North Garo Hills-ni sak 187 baneficiary-rangni acount-ona gong 43,96,924 aro East Garo Hills-ni sak 2227 baneficiary-rangni acount-ona 225,13,897.31 tangka paisarangko watatman·aha aro ian National Highway ramarangko tarianio nangchakegipa a·a, nok jam, bol aro ge·a gamanio nosto ong·atako man·ahani gimin compensation on·gipa ong·a.
Kharkutta-ni MLA Rupert Momin, jemangan ia compensation-ko man·soaha uamang kusi ong·en a·arangko bretaiaha aro nok jamrangko riktokaha, indake ong·genchimoba chu·onga gita lekka pancha donggiparangba ia compensation-ko man·kugijagiparang bang·en dongengkua, uni gimin iandakgipa nokdangni manderangara gital dake dorgastoko galtaina nanggenma ma ia compensation-ko man·a gipin cholrang dongama ine sing·doangaha.
Ia sing·doanirangna aganchakaniko on·engon, 93 % ba 94% mangni gita a·ani compensation-ko on·anio matchotman·aha aro ia pilakkon National Highway and Infrastructure Development Corporation Ltd (NHIDCL)-na ramani kamko a·bachengna pakwatman·aha ine aganchakaniko on·an baksa, jemangan ia tangka paisarangko man·kujaenga uamangde District Administration-ni on·enggipa tangka paisarangko chu·ongnikjaeming ra·chakgijagiparang ong·a ine Tynsong talataha.
Unbaksana, je a·a nokgiparangan sorkarini on·enggipa compensation-ko namnikjaengachim, uamang dorgastoko galtaina bil dongani gimin galtaina man·gen, uarangko sorkari nigrike kam ka·anggen ineba ua agandapaha.
Na·simang iakoba nina man·gen:
Na·simang iakoba poraina man·gen: Skigipani kosako FIR ka•ani ja•man skulni gita inquiry-ko a•bachengata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
