29.2 C
Tura
spot_img

Garo Hills-o niam gri sam badinggipa mande saksako rim•a

Must read

Tura, Jan 31: West Garo Hills a•jao pekatgipa samrangko niam gri salangengmiting somoi mande saksako West Garo Hills Police-ni Anti Narcotics Task Force (ANTF) rim•na man•aha.
Da•ororo Meghalaya aro Assam a•dokni sima jolrango donggipa West Garo Hills a•jani rama gita pekatgipa samrangko badingsrukanirang batroroengani gimin Dadenggre-ni SDPO, Phulbari Police Station-ni sipairang baksa ramarango am•sandianirangko dake, Phulbari jolo donggipa Shyamding songni Sajidur Islam minggipa mandeko rim•aha aro uoniko police-rang, stripe 1794 Tramadol samrang baksana gimik rong 14352 samrangko man•aha.

Police-rangni u•iatani gitade, ia pekatgipa samrangni chu•gimik damara komibeoba lak 3.5-mang ong•genchim.

Iani bidingo Police-rang, NDPS Act-ni ning•o mokordoma ka•enba ning•tue sandianirangko dakengkua ine police official-rang u•iataha.

Ia pekatgipa samrangko Garo Hills-ona badingatanio jak donggipa mongsonggipa manderangko police-rang rim•na sandiengkua ineba u•iataha.

spot_img

More articles

spot_img
-->

Latest article