Shillong, May 8: Re•anggipa March jao, Garo Hills Autonomous District Council (GHADC) election-o Tribal ong•gijagipa manderangni bak ra•paaniko jegalengmiting somoi rang•san ding•chaoanirang ong•kate, Garo Hills-ni dingtang dingtang biaprango so•sojengjeng ong•anganichi manderangni janggi aro gam-jinrang gimana nangahani gimin ia a•selni bidingo ning•tue sandina gita a•dok sorkari, Inquiry Commission-ko songe on•angaha.
Iani bidingo Home (Political) Department-oni u•iataniko on•angengon, Commission of Inquiry Act 1952-ni ning•o ning•tue sandina gita Commission-ko songna nangnikaha aro ia Inquiry Commission-ko dilna gita Justice (Retd) T Vaiphei-ko Chairman dake songaha ine parakataha.
Ia Inquiry Commission-ni report-ko on•na gita jadok somoiko on•aha ine janapatengon, ia Commission, re•anggipa March jani 9 tariko so•sojengjeng ong•chakatani ja•pangko am•sandian baksana mikkangchi iandakgipa a•selrangko champengna gita dingtangmancha sorkarina ku•pattianirangkoba on•anggen ine Home Department u•iataha.
Inquiry-ko dakanio ia Commission, an•tangna on•gimin bilrango pangchake, dingtang dingtang official-rang ba dolrangni dakchakanirangko ra•na man•gen ineba Home (Political) Department u•iataha.
Ia a•selni bidingo inquiry-ko dakani korosrangko Commissioner of Division, Garo Hills gamgen ineba department-oni u•iataha.
Re•anggipa March jao, Garo Hills-ni dingtang dingtang biaprango so•sojengjeng ong•anichi komibeoba sakgni manderang so•otako man•aha aro bang•en saknaanirangko man•na nangahachim. Ia so•sojengjeng ong•ani bidingo police-rang, Phulbari-ni gitcham MLA SG Esmatur Mominin, gitcham MDC Sofior Rahman, dingtang dingtang NGO-ni dilgiparang aro chadamberangkoba rim•aha.
Na·simang iakoba nina man·gen:
Na·simang iakoba poraina man·gen: Nasha Mukt Bharat Abhiyaan-ni ning∙o master volunteer-rangna skie on∙anirangko Tura-o ong∙ata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
