Tura, May 8: West Garo Hills a∙jani District Social Welfare Office, Nasha Mukt Bharat Abhiyaan-ni (NMBA) ning∙o Master Volunteer-rangna dingtangmancha skie on∙ani program-ko Sukrobar salo Tura-ni DRDA Conference Hall-o ong∙atangaha. Pekgipa bosturangko jakkalanichi songo-noko batroroenggipa neng∙nikanirangko warachakna ja∙ku de∙na ine Garo Hills-ni dingtang dingtang biaprangoni sak 50-mang volunteer-rang re∙bae ia skie on∙anirangko bak ra∙angaha.
Additional Deputy Commissioner Rosalinda D. Shira, Assistant Commissioner Meshwa Mawthoh aro District Social Welfare Officer Madonna Onasis T. Sangma tom∙ani a∙bachenggipa bakko dakdilangaha. Administration aro songdonggipa manderangni gisepo donge ia volunteer-rangni ka∙enggipa nangchongmotgipa kamrangni gimin official-rang talate on∙angaha aro uamangko dingtang dingtang block-rangoniko seokenba manderangna mikrakatanirangko on∙na aro neng∙nikanio ga∙akenggipa nokdangrangna agan-ku∙pattianirangko dakna bilrangko on∙aha ine aganangaha.
Technical session-rango pekgipa bosturangko jakkalanichi be∙en-bimangni dingtangroroanirang aro songsalo janggi tanganio ong∙gipa obostaragni gimin agan-talatanirangko dakangaha. Tura Civil Hospital-ni psychiatrist Dr. R.N. Sangma, pekgipa bosturangko jakkalanirangko namatani krong dotgittam- champengani, sanna-banani aro gital dake a∙bachengpiltaina cholko on∙ani bidingo talate on∙angaha. Ia session-o agantimgiparang songo-noko donggipa cahdamberangni pekgipa bosturangko jakkalani mongsonggipa a∙selrangko ripengskarang baksa rorime sinjetaniko man∙ani, gisikni neng∙nikani, aro mikcha-ka∙saanio ba nokdangni manderang baksa meli-nangrimgijanirang ine janapangaha aro iarang pilakko champengna uamangna changa-sapanirangko skie on∙na aro namgipa bewalo janggi tangani cholrangko on∙na nanga ine aganangaha.
Ia skie on∙ani mongsonggipa bakara “Dream Mission”-ko ra∙gatanian ong∙a jeon an∙chingni a∙doko rehabilitation center-rangko a∙bachengatna bilakgipa cholrangko bikotna miksongenga. Songo-noko ong∙enggipa obostarangko nirokna aro uarangko namatna ja∙ku de∙na dakchakna ine volunteer-rangna NMBA Mobile App-ko jakkalnaba skie on∙angaha. Bon∙kame, niam gri pekgipa bosturangko badingsrukanirangko dontongatna aro uarangchi songsalna ra∙baenggipa obostarangoniko naljoke rakkina, volunteer-rangan mongsonggipa chel∙chakgipa dolrang ong∙a ine uamangna on∙gimin kamrangko ka∙angchina ge∙etaniko on∙angaha.
Na·simang iakoba nina man·gen:
Na·simang iakoba poraina man·gen: EGH-o game ge•e cha•giparangna Power Tiller-rangko sualata
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
