Williamnagar, May 8: Sub-Mission on Agricultural Mechanisation (SMAM) aro State Plan Scheme-ni ning•o East Garo Hills a•jani District Agriculture Office, dingtangmancha program-ko Sukrobar salo, office-on ong•atangaha aro ia program-ko ong•atanio, a•dokni Cabinet Minister Marcuise N Marak, mongsonggipa sokgipa ong•e bak ra•angaha.
Ia program-ko ong•atanio, East Garo Hills a•jani Additional Deputy Commissioner Reuben Ch Momin, Agriculture department-ni official-rang aro scheme-ni namgniko man•enggipa manderangba bak ra•angaha.
Ia scheme-ni ning•o seokako man•gipa Samanda, Rongjeng aro Songsak C&RD Block-ni game ge•e cha•giparangna power tiller ba weani ostrorangko, mongsonggipa ong•e sokgipani jakchi sualataha.
Ia power tiller-rangko, Rongjeng Block-na bolbri, Songsak-na bolgni aro Samanda Block-na bolgni ka•e sualataha.
Ia tom•anio a•dokni Cabinet Minister Marcuise Marak, tom•anio bak ra•giparangna aganprakengon, ia scheme-ni gamchatgipa ong•ani gimin janapangenba, ia scheme-ni ning•o game ge•e cha•giparangna a•dok aro ma•mong sorkari bakrime dakchakaniko on•enga ine parakataha. Game ge•e cha•giparang, kam ka•gipa manderango pangchakna nangjana gita, gama ge•anirangko namdapatna aro game ge•e man•aniko bariatna miksonganio ia ostrorangko game ge•e cha•giparangna sualenga ineba ua aganaha.
Ia ostrorangko name jakkalchina aro an•tangtangni gama ge•anirangko namdapate, janggi tangani gadangko tang•doatna gita ia scheme-ni namgnirangko ra•chinaba Minister, game ge•e cha•giparangko didiangaha.
Na·simang iakoba nina man·gen:
Na·simang iakoba poraina man·gen: Upper Assam-o sakbri ka∙rongte badingsrukgiparangko rim∙a
na·simang hubnetwork.in, oniko video-ko niangan baksa poraina man·gen.
Chingko ka·mao mesokgipa social mediarango jarikna man·gen:-
Twitter- twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/ne_media_hub
