Tura, June 14: Garo Hills Autonomous District Council (GHADC)-o kam ka•enggipa manderangni man•na nangkuenggipa dormaharangko on•chipjaengani gimin aro GHADC-o dingtang electoral roll-ko ra•gatan baksana Finance aro Service Rule-rangko ra•gatchina dabianiko da•onan chu•sokatchipkujaengani gimin Budbar saloni a•bachenge GHADC-ko office picketing ka•na a•bachengataha ine NGCO-ni president Tengrak R Marak parakataha.

Ia office picketing-ko ong•atani bidingo talataniko on•angengon, GHADC-o finance aro service rule-rangko ra•gatkujaengani a•sel tangka paisarangko jakkalanio maming hisaprang dongjaenga aro kamko ka•enggiparangba skatang kamko ka•a gita ong•enga ine NGCO-ni president janapatenba, iani giminsa GHADC-ni kamrangko ka•anio maming dongnuani dongjana gita finance aro service rule-ko ra•gatchina dabie uamang office picketing-ko ong•ataha ine parakataha.

GHADC-o kam ka•enggiparangna dormaharangko chu•gimik on•kujaengani gimin janapatskaengon, GHADC-o kam ka•enggipa manderangni man•na nangkuenggipa dormaharang da•o ja 27 ong•pilengaha aro ia dormaharangko kam ka•enggiparangna chu•gimik on•china gita uamang dabienga ine Marak parakataha.

Ia dabianirangko knachakgija dongchipgenchimode mikkangchi GHADC-ni kosako rakbate jingjengatanirangko dakanggen ineba NGCO-ni president parakataha.

Iakoba poraie nina man·gen: Assam-M’laya-ni regional committee-rang tom•a 

Find latest news from every corner of Northeast India at hubnetwork.in, your online source for breaking news, video coverage.

Also, Follow us on-

Twitter-twitter.com/nemediahub

Youtube channel- www.youtube.com/@NortheastMediaHub2020

Instagram- www.instagram.com/nemediahub