Tura, June 14: Garo Hills Autonomous District Council (GHADC)-ni kosako finance rule aro service rule-rangko dabian baksana kam ka•enggiparangna dormaharangko on•chipkujaenga ine NGCO-ni office picketing ka•aniara niamni a•palo ong•a maina iani bidingo maming order grisa NGCO picketing-ko ka•aha ine Budbar salo GHADC-ni chief executive membor Albinush Marak parakataha.
CEM-ni parakatani gitade, GHADC-ko NGCO-ni office picketing ka•aniara 2015 bilsio High Court-ni dongimin niamko pe•ani gitaba ong•ahachim aro iandake GHADC-ni kam ka•aniko champenganiara niamni a•palo ong•achim.
“NGCO-ni office picketing ka•aniara niamni a•palosa ong•ani gimin chinga uamangni kosako rakgipa ja•kurangko de•na man•achim indiba uamangni janggi tangani gimin chanchiesa chinga ja•kurangko de•jaha. Indiba chinga uamang baksa ka•sinao agangrikenba, uamangni picketing ka•aniko dontongatna man•aha,” ine GHADC CEM parakataha.
Iakoba poraie nina man·gen: GHADC-ko NGCO office picketing ka•na a•bachengata
Find latest news from every corner of Northeast India at hubnetwork.in, your online source for breaking news, video coverage.
Also, Follow us on-
Twitter-twitter.com/nemediahub
Youtube channel- www.youtube.com/@NortheastMediaHub2020
Instagram- www.instagram.com/nemediahub
